Bessastaðasund
Sundfólk sem ákveður að taka þátt, hefur tvo möguleika annars vegar að synda lengra sundið sem er 4,5 km, en þá er synt frá víkinni við Bessastaði, eins og sést á myndinni og hins vegar að synda styttra sundið sem er sýnt á myndinni og er ca. 2,4 km. Bátar fylgja sundfólki.
![bessastadasund](https://sjor.org/wp-content/uploads/2021/04/bessastadasund-300x206.jpg)
SJÓR Sjósunds- og sjóbaðsfélag Reykjavíkur hefur séð um þetta sund.
Drangeyjarsund
Drangeyjarsund kallast það sund þegar synt er úr fjöru sunnan til á Drangey og yfir á Reykjanes, sem er stysta vegalengd úr eyju í land, samtals um 6,6 km.
![drangeyjarsund](https://sjor.org/wp-content/uploads/2021/04/drangeyjarsund-300x165.jpg)
Hér er hægt að sjá hverjir hafa synt formlegt Drangeyjarsund.
Sigrún Þ. Geirsdóttir hefur tekið saman nokkur atriði sem mikilvægt er að hafa í huga þegar synda á lengri sjósund (eða vatnasund), sjá hér.
Reglugerð SSÍ um víðavatnssund er að finna hér.
Fossvogssund
Þegar talað er um Fossvogssund er verið að tala um að synda yfir í Kópavoginn frá Ylströndinni og til baka.
![fossvogssund](https://sjor.org/wp-content/uploads/2021/04/fossvogssund-300x238.jpg)
Þegar SJÓR er með þetta sund þá fylgja nokkrir bátar sundhópnum yfir og til baka og alltaf er hægt að rétta upp hendina og þá kemur bátur og tekur þig upp. Þetta gerir það að verkum að sundið verður hættuminna.
SJÓR Sjósunds- og sjóbaðsfélag Reykjavíkur hefur séð um þetta sund.
Grettissund
Grettissund kallast það sund þegar synt er úr Uppgönguvík í Drangey og yfir á Reykjanes, sem er um 7,1 km.
![grettissund](https://sjor.org/wp-content/uploads/2021/04/grettissund-300x163.jpg)
Sundinu er þannig lýst í Grettis sögu:
"Býst Grettir nú til sunds og hafði söluvoðarkufl og gyrður í brækur. Hann lét fitja saman fingurna. Veður var gott. Hann fór að áliðnum degi úr eyjunni. Allóvænlegt þótti Illuga um hans ferð. Grettir lagðist nú inn á fjörðinn og var straumur með honum en kyrrt með öllu. Hann sótti fast sundið og kom inn til Reykjaness þá er sett var sólu. Hann gekk til bæjar að Reykjum og fór í laug því honum var orðið nokkuð kalt. Bakaðist hann lengi í lauginni um nóttina og fór síðan í stofu. Þar var mjög heitt því að eldur hafði verið um kveldið og var lítt rokin stofan. Hann var móður mjög og sofnaði fast. Lá hann þar allt á dag fram."
-Grettis saga, kafli 75.
Hér er hægt að sjá hverjir hafa synt formlegt Grettissund.
Sigrún Þ. Geirsdóttir hefur tekið saman nokkur atriði sem mikilvægt er að hafa í huga þegar synda á lengri sjósund (eða vatnasund), sjá hér.
Reglugerð SSÍ um víðavatnssund er að finna hér.
Grímsey - Drangsnes
Grímseyjarsund var þreytt í fyrsta sinn 2009. Bein lína á milli Grímseyjar og Drangsness er um 1 sjómíla, en sundið hefur sennilega verið aðeins lengra vegna strauma!
![grimsey-drangsnes](https://sjor.org/wp-content/uploads/2021/04/grimsey-drangsnes-300x138.jpg)
Þeir sem hafa synt þetta sund eru:
Árni Þór Árnason, tími 35 mín. 7° heitur sjór.
Stefanía Halldórsdóttir, tími 43 mín. 7° heitur sjór.
Grímseyjarsundið hefur verið í höndum Bryggjuhátíðar.
Helgasund
Árlegt Helgasund, til minningar um Helga Hannesson sundkennara og sjósundkappa, hefur verið haldið á Írskum dögum á Akranesi.
Synt er frá Sementsbryggjunni á Akranesi að Langasandi, ca. 900 metra. Bátar fylgja.
![helgasund](https://sjor.org/wp-content/uploads/2021/04/Helgasund-300x196.jpg)
Sjóbaðsfélag Akraness hefur séð um þetta sund.
Helgusund
Synt í kjölfar Helgu Jarlsdóttur úr Geirshólma í Hvalfirði og í land í Helguvík.
![synt-ur-geirsholma](https://th.bing.com/th/id/Rcadcfdca17a2cd83c71b2d4fa423f2aa?rik=3HjznT4iAwioqw&riu=http%3a%2f%2fskessuhorn.rat.nepal.is%2fimages%2fMynd_1568450.jpg&ehk=4yWpbjMJ6bqZGAoBWCQyAZTHg%2f6B8eVSnqfjojXoRA0%3d&risl=&pid=ImgRaw)
Sundið er á söguslóðum Harðar sögu og Hólmverja, í kjölfar Helgu konu Harðar Grímkelssonar. Hún synti þessa leið á flótta, með fjögurra ára son sinn Björn á bakinu og með henni synti annar sonur hennar, Grímkell, 8 ára.
Leiðin er um 1,6 km.
![helgusund](https://scontent.frkv2-1.fna.fbcdn.net/v/t1.18169-9/20993053_1398973773491257_7961009527614902563_n.png?_nc_cat=110&ccb=1-3&_nc_sid=730e14&_nc_ohc=Cq4vXU-jv9MAX8BPY2q&_nc_ht=scontent.frkv2-1.fna&oh=9fa0a45b3d930a68518e50e97582b5f6&oe=60901D03)
Sjóbaðsfélag Akraness hefur séð um þetta sund.
Hríseyjarsund
Synt er úr landi og til eyjarinnar, þegar þangað er komið á að hlaupa í heita pottinn í sundlauginni.
![hriseyjarsund](https://sjor.org/wp-content/uploads/2021/04/hriseyjarsund-300x217.jpg)
Hér er frétt um fyrsta Hríseyjarsund sögunnar.
Hríseyjarsundið hefur verið í höndum Ferðamálafélags Hríseyjar.
Skerjafjarðarsund
Sundið er um 2,2 km í beinni línu og er ætlað fyrir vana sundmenn og sjósundsfólk.
Synt út í Viðey
Þegar talað er um sund út í Viðey, er átt við sund frá Skarfakletti að fjörunni við Viðeyjarbryggju og til baka að Skarfakletti.
![synt-ut-i-videy](https://sjor.org/wp-content/uploads/2021/04/synt-ut-i-videy-300x200.jpg)
Þegar SJÓR er með þetta sund þá verða nokkrir bátar með í för sem fylgja sjósundfólki alla leið. Ef synt er aðra leiðina þá er farið með bát út í Viðey og synt til baka að Skarfakletti. Önnur leiðin er 900 metrar.
SJÓR Sjósunds- og sjóbaðsfélag Reykjavíkur hefur séð um þetta sund.
Sæunnarsund
Geturðu synt eins langt og kýr?
![sæunn](https://scontent.frkv2-1.fna.fbcdn.net/v/t1.0-9/96368337_2806492562796852_6979548540078915584_o.jpg?_nc_cat=107&ccb=1-3&_nc_sid=340051&_nc_ohc=1R5c_xZXy7YAX-cgkRN&_nc_ht=scontent.frkv2-1.fna&oh=39c59ef84a86d7a0d0ae740a9f2958f8&oe=6084A6A7)
Synt er frá Flateyrarodda í Önundarfirði og yfir í Valþjófsdal, rétt eins og Sæunn gerði.árið 1987. Leiðin yfir fjörðinn er um 2,5 km.
Facebook síða Sæunnarsunds er hér.
Hér er myndband frá Einari á Hvilft, sem tekið var í Sæunnarsundinu 2019:
Viðeyjarsund
Með sundinu Viðeyjarsund er átt við sundleiðina frá Viðey, oftast Viðeyjarbryggju og inn í Reykjavíkurhöfn, oftast flotbryggju við gamla slippinn. Einnig er mögulegt að synda úr Reykjavíkurhöfn og út í Viðey. Sundleiðin er um 4,3 km í beinni loftlínu.
![videyjarsund](https://sjor.org/wp-content/uploads/2021/04/videyjarsund-300x176.jpg)
Benedikt G. Waage synti frá Viðey að Völundarbryggju í Reykjavík þann 6. september 1914. Var þetta þá talið vera lengsta sund sem synt hafði verið hér við land á síðustu öldum. Benedikt var mjög þekktur fyrir sundíþrótt sína og tókst vel upp með sundið enda var logn og sjór spegilsléttur meðan á sundinu stóð. Þrátt fyrir það er haft eftir heimildum að fjórir straumar hafi borið hann af leið. Sundið tók 1 klukkustund og 56 mínútur. Benedikt var smurður með ýmis konar feiti fyrir sundið.
Ásta Jóhannesdóttir er fyrsta konan sem synti Viðeyjarsund árið 1928 og var samkvæmt heimildum einnig 1 klukkustund og 56 mínútur á leiðinni.
Írena Líf Jónsdóttir er sú eina sem synt hefur fram og tilbaka.
Það sem helst þarf að gæta varúðar á þessu sundi er skipa- og bátaumferð. Hafa þarf samband við hafnaryfirvöld fyrir sund til að láta vita af sér og fá leyfi.
Hér er hægt að sjá hverjir hafa synt formlegt Viðeyjarsund.
Sigrún Þ. Geirsdóttir hefur tekið saman nokkur atriði sem mikilvægt er að hafa í huga þegar synda á lengri sjósund (eða vatnasund), sjá hér.
Reglugerð SSÍ um víðavatnssund er að finna hér.
Ægissíðusund
Þetta sund byrjar á Ægissíðunni og synt er með sjávarsíðunni 3,8 km inn í Nauthólsvík.
![aegissida-allt](https://sjor.org/wp-content/uploads/2021/04/aegissida-allt-241x300.jpg)
Það þarf enga báta í þetta sund til að fylgjast með.
Ætlast er til að sundmenn syndi ALLTAF með ströndinni til öryggis, svo að stutt sé að synda í land ef þarf að hætta sundi.
Meðfram ströndinni er mjög fín göngu/hjóla leið og mun sundfólki verða fylgt eftir þar.
Þeir sem treysta sér ekki í 3,8 km sundið en langar samt að synda, hafa val um styttri vegalengdir. Hægt er að velja um 3 km, 2 km eða 1,5 km sund og verður ræst í þau þegar sundmenn úr lengsta sundinu eru að synda hjá.
![aegissidusund](https://sjor.org/wp-content/uploads/2021/04/aegissidusund-300x225.jpg)
SJÓR Sjósunds- og sjóbaðsfélag Reykjavíkur hefur séð um þetta sund.